Caged Birds (Qaidi Parinday)

Usko aadat thee khwaab dekhnay ki, is yaqeen kay saath kay khwaab saraab nahi…. Bohat ghuroor tha uskay har ik andaaz main, uski awaaz main ek ajeeb saaz tha, jiskay sur is qadar pukhta thay kay yun guman’ hota tha jaisay wo khwaab sirf dekhti nahi – Khwaab jeeti hai!

Usko kia khabar thee keh –  khwaab dekhna achha to hai magar, har khwwab sacha bhi ho – ye zaroori to nahi…haan magar mumkin hai keh,  zeest kay totay phootay raastay kay kisi sunsaan more pay aa kar, kaheen koi khwaab dagmaga jaay, aur kisi khasta deewar ka sahara mil bhi jaay to, kisi biphri hawa kay taiz jhonkay ka daaman pakarnay ki talab main, larkhara jaay … giray banjar zameen par muun kay bal,  aur bikhar jaay…

Usko kia pata tha keh, kesa karb hota hai, jab kaheen chhanakay se, koi khwab totay to, kesa dard hota hai… Bikhray khwaab ki kurchiyan samaitnay main, kis qadar diqqat hoti hai… kash usay pata hota, keh jab unglion’ ki poron’ main kaanch chubhta hai, to kaisee tees uth ti hai…Aankh say aanso, laho ban kar tapaktay hain, aur seenay kay konay main chupkay chupkay saans leta hua dil, seham kay beth jata hai… Aziat se ghuti awaaz main,  maatam manata hai…

Usko kia khabar thee keh, ye jo narm palkon’ par, aik azm say bethay khwahishon’ kay parinday uraan bharnay ko par toltay hain, to jazbaat ki rau main behtay huay, ye ehsaas nahi ho pata, ye andaaz nahi mil pata, keh jab ye khwahishon’ kay parinday zamanay kay bunay huay jaal main phuns kar qaid hongay , to kesi kashmakash say saamna hoga…Khud say kesi jung hogi khwahishon’ kay in parindon’ ki, faqt azadi ki chahat main…

Kaash! Khwaab dekhnay say pehlay wo yeh jaan leti, keh jab qaidi parindon’ kay paon main ghungroo ki shakal main qafal daal diay jatay hain, unkay par kaat diay jatay hain, to uraan bharnay ka azm bhasm ho kay kisi raakh ki maanind hawa hojata hai… kaisi baybasee ka alam hota hai, jab kisi par katay parinday ko khuli hawa main chhor kar aazadi ki naveed dee jay aur kaha jaay:

tumhain ijazat hai aasmaan chhoonay ki,  uraan bharnay ki.. tum azaad ho!

caged_bird_by_spaztastic7

Advertisements

7 thoughts on “Caged Birds (Qaidi Parinday)

  1. OWESOME DEEBA…
    WHILE READING I FELT ITS WHAT I WANT TO SAY, AMAZING. TNXXX
    GOOD LUCK & KEEP WRITING FOR US
    BATOOL EZAM

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s